Faq

Getcontact-ը վճարովի՞ հավելված է։

Դուք կարող եք անվճար օգտագործել Getcontact-ը։ Մենք առաջարկում ենք բաժանորդագրության տարբեր տեսակներ, որոնք Ձեզ թույլ կտան ավելի բարձր սահմանաչափերով օգտագործել որոշակի ֆունկցիաներ։ Կախված երկրից՝ բաժանորդագրության առաջարկներն ու գները կարող են տարբերվել։ Եթե Ձեր տարածքում հասանելի է Պրեմիում փաթեթը, կարող եք պրոֆիլի էջում ստուգել մեր պրեմիում առաջարկները։

Getcontact-ի իմ հաշիվը չի ակտիվացվում։ Ես որևէ PIN կոդ չեմ ստանում։

Նախ, խնդրում ենք համոզվել, որ ճիշտ եք մուտքագրել հեռախոսահամարը։ Եթե Ձեր հեռախոսահամարը ճիշտ է, սակայն չեք ստանում PIN կոդը, կրկին փորձեք 15 րոպե ընդմիջումներով։ Եթե խնդիրը չլուծվի, կարող եք կապվել մեզ հետ հետևյալ էլ․ հասցեով՝ support@getcontact.com

Կարո՞ղ եմ փնտրել իմ անունը։

Getcontact-ը միայն հեռախոսահամարի միջոցով է նույնականացում կատարում։ Ցավոք սրտի, հնարավոր չէ որոնում կատարել անունի միջոցով։ 

Ինչպե՞ս է հեռախոսահամարը նշվում որպես սպամ։

Սպամի ճանաչումը կատարվում է հատուկ մշակված ալբորիթմի միջոցով, որը բարձր մակարդակով ապահովում է Ձեր անվտանգությունը։ Getcontact-ը վերանայում է միլիոնավոր օգտատերերի արձագանքները և որոշում է՝ արդյոք հեռախոսազանգը սպամ է, թե ոչ։

Ինչպե՞ս կարող եմ արգելափակել համարը և նշել այն որպես սպամ։

Օգտագործելով «հաղորդել» կոճակը, որ տեսնում եք մուտքային հեռախոսահամար որոնելիս, կարող եք հաղորդել կամ արգելափակել այն նախապես սահմանված բաժիններում։

- Եթե պարզապես հաղորդեք համարը, այն հետագայում Ձեզ կերևա որպես ՍՊԱՄ։

-Եթե հաղորդեք և արգելափակեք համարը, այլևս այդ համարից զանգեր չեք ստանա։

Ինչպե՞ս պաշտպանվել սպամ հեռախոսազանգերից։

Եթե օգտագործում եք iOS սարք,

Սեղմելով «Ակտիվացնել պաշտպանությունը» կոճակը Getcontact-ի ներքևի ցանկում, կարող եք ըստ հրահանգների ակտիվացնել սպամից պաշտպանությունը։

Այս քայլից հետո կարող եք ներքև սահեցնել սպամի էկրանը, սեղմել «Փոխել կարգավորումները» «Սպամի կարգավորումներում» և ընտրել տարբերակներից մեկը՝ «Արգելափակել բոլոր սպամ զանգերը» և «Զգուշացնել սպամի և խարդախ զանգերի» ժամանակ։

Եթե օգտագործում եք Android սարք,

Կարող եք ակտիվացնել սպամից պաշտպանությունը երկու տարբերակով՝

- Երբ տեղադրում եք հավելվածը, սպամից պաշտպանությունը ակտիվանում է, եթե տալիս եք որոշակի թույլտվությունները։

-Եթե չեք տվել այս թույլտվությունները, կարող եք սպամից պաշտպանությունն ակտիվացնել ըստ հրահանգների, որոնք կարող եք գտնել «Ակտիվացնել պաշտպանությունը» ցանկում, ուր կարող եք մուտք գործել ներքևի ցանկի «ՍՊԱՄ» պատուհանի միջոցով։

Այս քայլից հետո կարող եք ներքև սահեցնել սպամի էկրանը, սեղմել «Փոխել կարգավորումները» «Սպամի կարգավորումներում» և ընտրել տարբերակներից մեկը՝ «Արգելափակել բոլոր սպամ զանգերը» և «Զգուշացնել սպամի և խարդախ զանգերի» ժամանակ։

Ես պատահաբար նշել եմ հեռախոսահամարը որպես սպամ։ Ինչպե՞ս ուղղել սխալը։

Օգտագործելով «Արգելափակումից հանել» կոճակը, որը կհայտնվի էկրանին հեռախոսահամարը որոնելուց հետո, Դուք կարող եք այն արգելափակումից հանել և հեռացնել սպամ ցուցակից։ ՛-Ներքևի ցանկում սեղմելով «Սպամ» կոճակը և ապա սահեցնելով էջը դեպի ներքև՝ կարող եք մուտք գործել «Արգելափակման ցուցակ» և այն ձախ սահեցնելով հեռացնել սպամ ցուցակից այն համարը, որը նշել եք որպես սպամ։

Ինչու՞ բոլոր զանգերի ժամանակ չեմ կարող տեսնել զանգողի տվյալները։

Getcontact-ը կարևորում է իր օգտատերերի անվտանգությունը։ Մենք չենք կարող տրամադրել այն օգտատիրոջ հեռախոսահամարը, ով չի ցանկանում այն տեսանելի դարձնել։

Ի՞նչ է Getcontact PIN-ը։

Մենք կարևորում ենք մեր տրամադրած տեղեկատվության ճշգրտությունը։ Դուք պետք է հաստատեք Ձեր հեռախոսահամարը մեկանգամյա կոդի միջոցով, որպեսզի օգնեք մեզ ավելի լավ փորձառություն ապահովել Ձեր և այլ օգտատերերի համար Getcontact-ում։

Ի՞նչ է պիտակը։ Ինչպե՞ս կարող եմ պիտակներ ավելացնել։

Պիտակը ինֆորմացիա (ածական, անուն և այլն) է, որ ավելանում է Getcontact-ի օգտատիրոջ համար այլ օգտատերերի կողմից։

Getcontact-ի մյուս օգտատերերի համար կարող եք պիտակներ ավելացնել «Ավելացնել պիտակ» բաժնում, որը կարող եք գտնել Ձեր պրոֆիլում։ Այս գործողությունը կարող եք կատարել ցանկի «Ավելացնել արագ պիտակ» բաժնում, երբ գրանցվում եք հավելվածում։

Կարո՞ղ եմ ինքս ինձ համար պիտակ ավելացնել։

Ըստ Getcontact համայնքի չափանիշների՝ Դուք կարող եք պիտակներ ավելացնել միայն այլ օգտատերերի համար, թեև կարող եք կառավարել Ձեր սեփական պիտակները։

Ինչպե՞ս կարող եմ կառավարել կամ ջնջել իմ պիտակները։

Դուք կարող եք տեսնել և կառավարել Ձեր պիտակները՝ սեղմելով «Ցույց տալ պրոֆիլը» Getcontact-ի ներքևի ցանկի «Այլ» բաժնին։ Խնդրում ենք դեպի ձախ սահեցնել այն պիտակը, որն ուզում եք խմբագրել։

Ինչպե՞ս կարող եմ փոխել իմ պրոֆիլի անունը Getcontact-ում։

Դուք կարող եք խմբագրել Ձեր տեսանելի անունը Ձեր պրոֆիլում։ Երբ այն խմբագրեք, Ձեր թարմացված պրոֆիլի անունը կերևա որոնման արդյունքներում։

Ինչպե՞ս կարող եմ իմ հեռախոսահամարը անտեսանելի դարձնել կոնտակտներում։

Ձեր տեսանելիության կարգավորումները կարող եք փոփոխել հետևյալ հղումի միջոցով՝ https://www.getcontact.com/manage

Մեր սերվերներում փոփոխությունները թարմացվում են 24 ժամվա ընթացքում։

Ինչպե՞ս կարող եմ ջնջել իմ Զանգերի/Որոնումների պատմությունը։

Եթե օգտագործում եք iOS սարք,

Կարող եք որոնումների պատմությունը մաքրել որոնման ցանկի «Ջնջել բոլորը» կոճակը սեղմելու միջոցով։ Եթե օգտագործում եք Android սարք,

Կարող եք որոնումների պատմությունը մաքրել վերևի ցանկի «Ջնջել» կոճակը սեղմելու միջոցով։ Հիշե՛ք, որ զանգերի ցուցակը ջնջելու համար պետք է ջնջեք նաև Ձեր հեռախոսի զանգերի պատմությունը։

Ինչու՞ չեն անծանոթ զանգերը բացահայտվում։

Անծանոթ զանգերը կառավարվում են GSM օպերատորների կողմից։ Որպեսզի Getcontact-ը ճանաչի հեռախոսահամարը, այն չպետք է անծանոթ լինի։

Ինչու՞ չեմ տեսնում մուտքային զանգ կատարողի ինքնությունը։

iOS սարքավորումներում միայն որպես սպամ նշված համարներն են վերիֆիկացվում։ Android սարքերում այս կարգավորումը ակտիվացված է։ Եթե չեք կարողանում տեսնել զանգահարողի ինքնությունը, խնդրում ենք համոզվել, որ տվել եք անհրաժեշտ թույլտվությունները։ Դուք կարող եք այս ֆունկցիան ակտիվացնել հավելվածի թուլտվությունները կարգավորելով կամ Ձեր հեռախոսի կարգավորումների մեջ։

Ինչու՞ եմ միայն մեկ արդյունք տեսնում։

Տվյալ համարի կրողը պետք է լինի Getcontact-ի օգտատեր, որպեսզի կարողանաք նշել բոլոր պիտակները։

Ի՞նչ է 5001 սխալ կոդը։5001

Հնարավոր է, որ ստանում եք այս սխալը Getcontact-ի սերվերների հասանելիության ժամանակավոր խնդրի պատճառով։ Կարող եք հավելվածից դուրս գալուց հետո սպասել որոշ ժամանակ, ապա նորից փորձել ավելի ուշ։

Ի՞նչ է 5003 սխալ կոդը։5003

Այս սխալ կոդը կարող է պայմանավորված լինել մի քանի պատճառներով։ Դուք պետք է ակտիվ ինտերնետ կապ ունենաք, որպեսզի կարողանաք օգտագործել հավելվածը։ Խնդրում ենք ստուգել Ձեր ինտերնետ կապը։ Հնարավոր է, որ այս խնդիրը կապված լինի նաև որոշ IP-ների և domain-ների հասանելիության՝ կառավարության կողմից սահմանված սահմանափակումների հետ։

Կարո՞ղ եմ տեսնել, թե ով է ինձ համար պիտակներ ավելացրել։

Քանի որ օգտատերերի պիտակները անանուն են, հնարավոր չէ տեսնել, թե ով է Ձեզ համար պիտակներ ավելացրել։

Իմ հեռախոսահամարը նշված է որպես սպամ։

Getcontact-ը հեռախոսահամարները ճանաչում է որպես սպամ առաջադեմ ալգորիթմի միջոցով։ Եթե կարծում եք, որ Ձեր հեռախոսահամարը սխալմամբ նշվել է որպես սպամ, խնդրում ենք կապվել մեզ հետ support@getcontact.com էլ․ հասցեի միջոցով։ Ձեր հեռախոսահամարը կուսումնասիրվի Getcontact-ի մասնագետների կողմից։ Մենք չենք երաշխավորում, որ որևէ փոփոխություն կանենք Ձեր հեռախոսահամարի համար, որն արդեն մեր ՍՊԱՄ ֆիլտրում է, կամ կջնջենք այն այնտեղից։

Արդյո՞ք Getcontact-ի մյուս օգտատերերը կարող են փնտրել իմ հեռախոսագրքույկի կոնտակտները։

Ձեր հեռախոսագրքի կոնտակտները երբեք հանրային և որոնման ենթակա չեն դառնում Getcontact-ի կողմից։ Ձեր հեռախոսագրքի կոնտակտներին հասանելիության թույլտվություն է տրվում, եթե միայն Դուք տվել եք Ձեր համաձայնությունը։ Դրանք կարող են օգտագործվել միայն այն նպատակներով, որոնք համար Դուք թույլտվություն եք տվել։ Մեզ անհրաժեշտ է Ձեր թույլտվությունը՝ հասանելիություն ունենալ Ձեր հեռախոսագրքին, որպեսզի հնարավոր լինի Ձեզ համար կատարյալ փորձառություն ապահովել և օգնել Ձեզ ավելի շատ օգտվել Getcontact-ի որոշ ֆունկցիաներից։

Կարո՞ղ եմ փոխել իմ հեռախոսահամարը։

Չեք կարող փոխել Ձեր հեռախոսահամարը Ձեր Getcontact հաշվում։ Եթե Ձեր ներկա Getcontact հեռախոսահամարը այլևս հասանելի չէ, և Դուք նոր հեռախոսահամար ունեք, կարող եք չեղարկել Ձեր ներկայիս բաժանորդագրությունը և դուրս գալ հավելվածից։ Այնուհետև կարող եք Ձեր նոր հեռախոսահամարի համար նոր հաշիվ ստեղծել։ Առաջարկում ենք օգտագործել Ձեր իրավունքները, ինչպես, օրինակ, Պրեմիում բաժանորդագրությունը, Ձեր նոր համարին փոխանցելու հետևյալ տարբերակները։

- Եթե Ձեր պրեմիում հաշիվ ապրանքագիրը կատարվում է Google Play-ի կամ Apple Store-ի միջոցով, կարող եք Ձեր Պրեմիում բաժանորդագրության առավելությունները փոխանցել Ձեր նոր հեռախոսահամարին՝ հավելվածի Պրեմիում էջի «Վերականգնել գնումները» սեղմելու միջոցով։ Եթե կորցնեք այն հաշվի հասանելիությունը, որով հաշվի ապրանքագրում է արվում, կկորցնեք նաև Ձեր Պրեմիում իրավունքները։

- Եթե հաշվի ապրանքագրումը կատարվում է կրեդիտ քարտի կամ բջջային օպերատորի միջոցով, խնդրում ենք կապվել մեզ հետsupport@getcontact.com էլ․ հասցեի միջոցով։ Getcontact-ի մասնագետներից մեկը կուսումնասիրի իրավիճակը և Ձեր գնումները կփոխանցի Ձեր նոր համարին։ Խնդրում ենք հիշել, որ այս դեպքում այս գնումները այլևս հասանելի չեն լինի Ձեր նախորդ համարների համար։

Կարող եմ իմանալ, թե ովքեր են փնտրում իմ համարը:

Միայն Պրեմիում օգտատերերին է տրամադրվում սահմանափակ ինֆորմացիա այն մասին, թե քանի անգամ և որ օրերին է իրենց համարը որոնվել։ Դուք կարող եք մանրամասն տեսնել միայն այն մարդկանց, որոնք նայել են Ձեր պիտակները։ Այնուամենայնիվ, որպեսզի կարողանաք ստանալ այս ինֆորմացիան, այն մարդը, որը նայել է Ձեր պիտակները, պետք է ապաակտիվացրած լինի «Գաղտնի ռեժիմը» իրենց կարգավորումներում։ Եթե «Գաղտնի ռեժիմի» կարգավորումը ակտիվացվում է, այդ մարդը Ձեզ կերևա որպես «Անանուն»։

Ինչպե՞ս կարող եմ բաժանորդագրություն սկսել։

Դուք կարող եք ստուգել Getcontact-ի բաժանորդագրության փաթեթները «Getcontact Պրեմիում» բաժնում, որը կարելի է գտնել «Այլ» բաժնում ներքևի ցանկում։ Ցանկության դեպքում կարող եք միանալ դրանցից մեկին։

Կարող եք նաև գնում կատարել կրեդիտ քարտի կամ բջջային օպերատորի միջոցով՝ անցնելով հետևյալ հղումով՝ https://premium.getcontact.com։ Խնդրում ենք ուշադրություն դարձնել այն հանգամանքին, որ Getcontact Պրեմիումը ոչ բոլոր երկրներում է գնման ենթակա։

  • Ռուսաստան
  • Ղազախստան
  • Ուկրաինա
  • Ղրղզստան
  • Ինդոնեզիա
  • Հայաստան
  • Ադրբեջան
  • Բահրեյն
  • Եգիպտոս
  • Հորդանան
  • Քուվեյթ
  • Լիբանան
  • Օման
  • Կատար
  • Սաուդյան Արաբիա
  • Արաբական Միացյալ Էմիրություններ
  • Եմեն
  • Բրազիլիա

Ինչպե՞ս կարող եմ փոխել այն էլ․ հասցեն, որով օգտագործում եմ Getcontact-ը։

Կարող եք փոխել Ձեր էլ․ հասցեն՝ մուտք գործելով «Ցույց տալ պրոֆիլը» ներքևի ցանկի «Այլ» բաժնից։

Կարող եմ ավելացնել եւս մեկ շարք իմ Getcontact պրոֆիլում:

Դուք կարող եք Ձեր Getcontact պրոֆիլը օգտագործել միայն մեկ հեռախոսահամարով։

Ե՞րբ կվերականգնվի անվճար օգտագործման իմ իրավունքը։

Ձեր սահմանաչափերը թարմացվում են յուրաքանչյուր ամսվա առաջին օրը։ Ձեր սահմանաչափերը ստուգելու համար կարող եք հետևել հետևյալ քայլերին՝ Այլ > Getcontact Պրեմիում > Բաժանորդագրություններ > Բաժանորդագրության տվյալներ։

Ինչպե՞ս կարող եմ ստուգել իմ բալանսը։

Ձեր սահմանաչափերը ստուգելու համար կարող եք հետևել հետևյալ քայլերին՝ Այլ > Getcontact Պրեմիում > Բաժանորդագրություններ > Բաժանորդագրության տվյալներ։

Կարո՞ղ եմ հաղորդել սխալների մասին։

Դուք չե՞ք գտել Ձեր հարցի պատասխանը։ Մենք ամենայն ուշադրությամբ ուսումնասիրում ենք յուրաքանչյուր կարծիք, հատկապես տեխնիկական բնույթի հարցերը։ Կարող եք կարծիք թողնել և տեղեկացնել մեզ Ձեր խնդիրը հետևյալ տարբերակներով։

Կարող եք օգտագործել հավելվածի՝ Օգնություն > Կապվել մեզ հետ բաժինը։

Կարող եք սխալների մասին հաղորդել՝ հետևելով հետևյալ հղումին՝ https://www.getcontact.com/send-report

Էլ․ հասցե՝ support@getcontact.com

Խնդրում ենք էլ․ նամակի միջոցով մեզ Ձեր կարծիքը ուղարկելիս տրամադրել հետևյալ ինֆորմացիան՝

  • Հեռախոսահամար՝
  • Գտնվելու երկիր՝
  • Հարթակ (Android, IOS, Web)՝
  • Հավելվածի տարբերակ՝
  • Թեմա՝

Որո՞նք են բաժանորդագրության փաթեթների առավելությունները։

Getcontact Պրեմիումի միջոցով, բացի  արտոնյալ փորձառությունից, Դուք կունենաք նաև մի քանի բացառիկ հնարավորություններ՝

- Գովազդների բացակայություն - հավելվածում չեք տեսնի որևէ գովազդ

- Որոնումների ավելի մեծ սահմանաչափեր - որոնումների սահմանաչափերը ավելանում են ըստ Ձեր Պրեմիում փաթեթի տեսակի և/կամ ավելի բարձր բաժանորդագրությունների։ Դուք կունենաք ավելի մեծ որոնման սահմանաչափեր, քան ստանդարտ օգտատերերը։

- Որոնման վիճակագրություն - Դուք կունենաք զեկույցների էջ, որտեղ կարող եք տեսնել, թե ով և քանի անգամ է որոնել Ձեր հեռախոսահամարը։

- Ո՞վ է նայել Ձեր պիտակները - Պրեմիում և/կամ ավելի բարձր բաժանորդագրությունների միջոցով այժմ կարող եք տեսնել՝ ով է նայել Ձեր պիտակները

Կոնտակտներում իմ անձնական նշումները պահվո՞ւմ են։

Getcontact-ը մշակում է միայն կոնտակտային այն հեռախոսահամարները, որոնց Դուք թույլտվություն եք տվել Ձեր հեռախոսի սարքի ձևաչափով և Ձեր գտնվելու վայրով սահմանված պարամետրերով: Ցանկացած կոնտակտային տեղեկատվություն, որը չի համապատասխանում Ձեր հեռախոսի սարքի ձևաչափին, չի մշակվում և չի պահվում մեր կողմից: Ավելի շատ տեղեկություններ ստանալու համար, թե տվյալների որ տեսակը կարող է հավաքվել և ինչ նպատակով օգտագործվել, կարդացեք համապատասխան բաժինները, որոնք առկա են հետևյալ հասցեով՝ Privacy Policy.